» » » Գալուստ Սահակյանը հայ թատրոնի ստեղծած գեղարվեստական արտադրանքը գնահատում է որպես որակյալ

Գալուստ Սահակյանը հայ թատրոնի ստեղծած գեղարվեստական արտադրանքը գնահատում է որպես որակյալ

Գալուստ Սահակյանը հայ թատրոնի ստեղծած գեղարվեստական արտադրանքը գնահատում է որպես որակյալ

ՀՀ Ազգային ժողովի նախագահ Գալուստ Սահակյանը շնորհավորական ուղերձ է հղել Թատրոնի միջազգային օրվա առթիվ։ ՀՀ ԱԺ նախագահի շնորհավորական ուղերձում ասվում է.

«Թատերարվեստի եւ թատերական աշխարհի հարգելի ներկայացուցիչներ, շնորհավորում եմ Թատրոնի միջազգային օրվա առթիվ:

Հայ թատրոնը ոչ միայն մեր մշակույթի, այլեւ մեր պատմության մի մասն է: Հաղթահարելով կայանալու, ձեւավորվելու տարբեր փուլեր, անցնելով տարբեր ժամանակաշրջանների միջով եւ, արդյունքում, շարունակաբար արժանապատվորեն ներկայանալով Հայաստանում ու նրա սահմաններից դուրս' ամենադժվար պայմաններում անգամ նա պահպանել է հանդիսատեսի հետ անմիջականորեն խոսելու կարողությունը, ընդ որում' թե դասականների, թե ժամանակակից արվեստագետների լեզվով: Եւ այդ ամենը ձեր' թատերական արվեստի ներկայացուցիչներիդ շնորհիվ, այն հավատի շնորհիվ, որ ռեժիսորն ունի դերասանի ու նրա շնորհքի հանդեպ, այն սիրո շնորհիվ, որ դերասանն ունի բեմի ու հանդիսատեսի նկատմամբ, այն անտրտունջ աշխատանքի շնորհիվ, որ կատարվում է նաեւ բեմից դուրս, այդ թվում' յուրաքանչյուր ներկայացման բեմելն ու թատերական կոլեկտիվի գործունեությունը ապահովող մարդկանց միջոցով, եւ իհարկե, թատրոնին հավատարիմ հանդիսատեսի շնորհիվ:

Մեր հաղթանակները կերտվում են նաեւ թատրոնի պատերի ներսում' սնվելով այն էներգիայով, որ ներկայացումից հասնում է հանդիսատեսին, այն ոգով, որ բեմից անցնում է դահլիճին ու դառնում հաղթանակաբեր ուժ, վերածվում հավատի եւ սիրո' հայրենիքի ու միմյանց հանդեպ:

Պահպանելով ավանդույթները եւ զարգացնելով դրանք' ժամանակակից թատրոնը փնտրում է նաեւ հանդիսատեսի հետ հաղորդակցության նոր ձեւեր: Ներկայումս մեր թատրոնը ստեղծում է որակյալ գեղարվեստական արտադրանք, որը ներառում է բազմաժանր նախագծեր եւ հետաքրքիր մտահղացումներ, եւ, անշուշտ, անդադրում աշխատանք: Այսօր, Թատրոնի միջազգային օրը, ոմանք բեմում են, ոմանց էլ պարգեւներ են հանձնում, ոմանք նոր պիես են գրում, ոմանք էլ' ներկայացման փորձ անում, այսինքն' ամենուր ինչ-որ բան է կատարվում, եւ բոլոր այս թատերական իրադարձությունները, տարբեր վայրերում տեղի ունենա լով հանդերձ, ամբողջանում են մեկ' Հայաստանի հագեցած թատերական կյանքի համապատկերում:

Եւս մեկ անգամ շնորհավորելով Թատրոնի միջազգային օրվա առթիվ' մաղթում եմ առողջություն, բարեկեցություն, անսպառ եռանդ եւ ստեղծագործական նոր հաջողություններ»:шаблоны для dle 11.2
Նյութի Աղբյուր: http://lurer.com/?p=217600&l=am

ԹՈՂՆԵԼ ՄԵԿՆԱԲԱՆՈՒԹՅՈՒՆ

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
  • Կամ մուտք գործեք սոց. ցանցերի միջոցով
  • обновить, если не виден код
Սեղմեք "Հավանել" կոճակը և հետևեք մեզ Ֆեյսբուքում